من تصريحات الإعلامية كريمة الوسلاتي في برنامج خليك عالخط اعداد وتقديم هالة حمدي على موجات #الإذاعة_الوطنية :⬇️
?”الاثار النفسية للكورونا مازالت … حاليا انا لاباس … المصابين نقلهم الكورونا تنهزم بالمعنويات المرتفعة ”
?”سنة 2003 بدات رحلتي مع المهرجانات الكبيرة و كنت نمشي على حسابي وساعدتني الادارة انذاك في الجانب التنسيقي خاطر ما كنت نعرف حتى حد ”
?”اول المهرجانات اللي مشيتلهم مهرجان القاهرة للإعلام العربي و مهرجان القاهرة السينمائي ”
?”ثمة نجوم ينجحوا في ايصال صدقهم للجمهور و فمة البعض اللي بمجرد انك تقرب منو شوية تكتشف جوانب اخرى …تخليك تندم انك عرفتو من قريب … لان الباطن عكس الظاهر”
?” الصحفي المميز من نقاط قوته…شبكة العلاقات اللي يملكها… ”
?” انا بنت اذاعة المنستير … تكونت بالاستماع …و بفضلها لقيت روحي من اول المقبولين في اذاعة الشباب”
?”شعاري في العمل : تحقيق مصالحي دون إلحاق الضرر بمصالح الغير”
?” احنا المذيعين عندنا جانب تمثيلي رغم المشاكل والضغوطات فاننا نسعاو باش نكونوا محلانا و ما نظهروش حقيقة مشاعرنا ”
?”من اكثر الحوارات اللي انا مقهورة عليهم لانهم ما تحفظوش في الأرشيف حوار مع نجاة الصغيرة في اخر زيارة لتونس و حوار اخر مع وديع الصافي”
?”خضت برشا تجارب تلفزية بين الاعداد و التقديم في التلفزة … صعب اني ننسى برنامج الاوائل و المتحدي مع علي ابراهيم اللي هو من اهم المذيعين وقتها ”
“وينهم البرامج اللي تُعْنى بالعائلة والشباب والاطفال؟ من المسؤول عن غياب هذه النوعية من البرامج ؟”
?”شبابنا يفتقد في وسائل الإعلام الي نماذج يحتذي بها و تكون بمثابة الملهم … و هذا كارثي و خطير و مُدّمر”
?” الاعلام العمومي يزخر بالبرامج المهمة…لكن موش قاعدة توصل للملتقى”
?”المعادلة و اللي يبدو أنها صعيب تتحقق في الظروف الحالية مع عدم الاستقرار السياسي اللي تعيشو البلاد ..ان وسائل الإعلام العمومية تقدم محتوى دسم و هادف باسلوب غير ممل و يتماشى مع التطورات الحاصلة في المجال ”
?”برنامج ضحك ولعب اللي تبث صائفة 2007 للتو ما خلصتش عليه … و ماذابية التلفزة تُثبت انها خلصتني…اما موش مشكل..عادي و تستمر الحياة ”
?”متعودة ديما يطلبوني من التلفزة و يقترحوا عليا برامج …. في المستقبل القريب باش نمشي انا ندق ابواب التلفزة و انا مُحملة ببرشا افكار … سهل انها تلقى طريقها للتنفيذ”
?”انا نشوف و انجم نكون غالطة..ان التلفزة الان ممكن تكتفي بانتاح البرامج الاخبارية و الرياضية …و بقية المنوعات و البرامج يكونوا PAD .. وقتها تاخو الممو و اللي يتماشى مع أهدافها على مستوى المحتوى و الجانب التقني … و الزاد البشري المنتمي للتلفزة يتجه للديجيتال و النشر على منصات المؤسسة”
?”عملت اختبار في قناة العربية الحدث سنة 2012 لكن ما حبيتش انبدل من الفن للسياسة”
?”لو حبيت خوض تجربة البرامج السياسية ..متاكدة اني انجم نكون من بين ابرز وانجح الصحفيين في الشأن السياسي لاني نعرف قدراتي و لوين انجم نوصل ..اذا حبيت اللي نعمل فيه ”
?”نحب برشا و نموت عليها …الاذاعة الوطنية التونسية ..الاذاعة الاولى في تونس ”